Ақмола облысында боран кезінде полицейлер жүк көлігінің жүргізушісіне көмек берді, – деп хабарлайды kazlenta.kz тілшісі Polisia.kz сайтына сілтеме жасап.
Өткен тәулікте аяз бен боран Ақмола облысындағы жол жағдайын едәуір қиындатты. Жүргізушілер үшін де, патрульдік полиция қызметкерлері үшін де нағыз сынақ болды. Жол қауіпсіздігін Қуаныш Толтанов пен Виталий Забутский патрульдеді. Тәртіп сақшылары Жақсы - Есіл - Бұзұлық автожолының 71 -шақырымында қызмет атқару кезінде олар төтенше жағдайға тап болған жүк көлігін байқады. Жүргізуші Астанадан Қостанай қаласына металл конструкциясын тасымалдап бара жатқанда қатты аяздың салдарынан тежегіш жүйесі істен шығып, жүргізуші жолда қалған. Полицейлер оқиға орнына дереу келді және ең алдымен жол-көлік оқиғаларының алдын алу үшін жол қауіпсіздігін қамтамасыз етті.
Ауа-райының қолайсыздығына қарамастан, полиция қызметкерлері жүргізушіге үш сағаттан астам уақыт бойы көмек көрсетті. Тежегіш жүйесін қалыпқа келтіруге көмектесіп, жүргізушіге барынша қолдау білдірген. Тәртіп сақшыларының күш-жігерінің арқасында ауыр жүк көлігі жылынып, оның жұмысы қалпына келді. Жүргізуші полицейлерге кәсібилігі, жауапкершілігі және адамгершілігі үшін шын жүректен алғыс айтып, мұндай қиын жағдайда олардың көмегі шынымен баға жетпес екенін атап өтті. Полицейлер жолдардағы бақылау мен тәртіпті ғана емес, сонымен бірге қиындыққа тап болғандарға нақты қолдау көрсететінін тағы да растайды.