Алматыда 11 қарашадан бастап Халықаралық студенттер күніне арналған ALMATY STUDENT’S WEEK 2025 апталығы өтіп жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл студенттер ұйымдастыратын шығармашылық, спорттық, зияткерлік және әлеуметтік іс-шаралар марафоны. Апта ішінде қаланың 35 жоғары оқу орнында 150-ден астам іс-шара өтіп, оған 40 мыңнан астам студент қатысты.Шығармашылық кештен бастап зияткерлік баттл, экологиялық акция мен қайырымдылық бастамасы сынды әр күнге тақырып қойылған. Апталықтың негізгі мақсаты — «Әділетті Қазақстан» құндылықтарын насихаттау, ал ол адал әрі белсенді азаматтан басталады.Студенттер Taza Campus челленджіне, Jas IQ ойынына, «StudSport» шебердің дәрісіне, кинокөрсетілімдер мен акустикалық кештерге қатысты. Алматының ең үздік студенттік тобы да анықталды, ал оның жүлде қоры 1 млн теңге.Бүгін финал. Jana Beles үлкен фестивалі және Student Life қалалық КТК ойындары ресми түрде жабылады.Алматыда бүгінде 210 мыңнан астам студент білім алып жүр.