Жоба аясында «Көшпенділер қаласы» кешенін қайта жаңарту, Таңбалы Тас археологиялық ескерткішіне қарай жаяу жүргіншілер үшін көпір салу және заманауи туристік инфрақұрылымы бар демалыс аймағын абаттандыру көзделген. Аталған аумақта глэмпинг аймақтары, демалыс орындары мен қоғамдық тамақтану нысандары салынбақ, деп хабарлайды kazlenta.kz тілшісі Алматы облысы әкімінің баспасөз қызметіне сілтеме жасап.
«Көшпенділер қаласы» кешені бүгінде туристер мен шығармашылық ұжымдар арасында үлкен танымалдыққа ие. Биыл мұнда «Жібек жолы» телеарнасының бірнеше фильмдері мен тележобаларының түсірілімі өтті.
Аумаққа жұмыс сапарымен келген Алматы облысының әкімі Марат Сұлтанғазиев:
Қазіргі уақытта инфрақұрылымды дамыту жұмыстары басталды: «Көшпенділер қаласына» дейін ұзындығы 7 шақырым болатын жаңа жол салынып жатыр. Жоба аясында жол бойын жарықтандыру және автотұрақ салу қарастырылған. Құрылысты биылғы жылдың соңына дейін аяқтау жоспарланып отыр.
Айта кетейік, 2025 жылы Алматы облысындағы ұлттық парктерге 700 мыңнан астам турист келген. Ал жыл басынан бергі алғашқы жартыжылдық қорытындысы бойынша өңірге келген туристер легі 30%-ға өсіп, оның ішінде ішкі туризм 1 миллион адамнан асты.