Тамыз айының 24-30 аралығында Біріккен Араб Әмірліктерінің Дубай қаласында бокстан жастар арасында Азия чемпионаты өтті. Байрақты бәсекеде ел намысын қорғаған елордалық спортшылар топ жарып, чемпионаттың алтын жүлдесін жеңіп алды. Бұл туралы қала әкімдігінің ресми сайты хабарлайды.
Сонымен 48 келіге дейінгі салмақта Санжар Ташкенбай финалда үндістандық қарсыласы Вишнават Сурешті 5:0 есебімен айқын басымдықпен ұтса, Бақберген Алиасқаров 75 келі салмақта Иран спортшысы Фардин Халифелуды 4:1 есебімен ұтты. Ал 86 келіде Темірлан Мұқатаев Өзбекстан өкілі Диербек Ураловты 5:0 есебімен ұтып , жарыс жеңімпазы атанды.
Жалпы командалық есепте Қазақстан құрамасы 8 алтын, 2 күміс және 2 қола жүлде иеленіп, бірінші орынды иеленді.
Екінші орынға 3 алтын, 3 күміс, 1 қола жүлдемен Өзбекстан құрамасы тұрақтаса, үздік үштікті 2 алтын, 3 күміс, 4 қола жлдемен Үндістанның былғары қолғап шеберлері қорытындылады.