Алматы мәслихатының XXXII кезектен тыс сессиясында қала әкімі Дархан Сатыбалдының қатысуымен мегаполистің басқару жүйесінің жаңартылған құрылымы бекітілді. Қабылданған шешімдер әкімшілік құрылымның тиімділігін арттыруға бағытталған, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Негізгі өзгерістердің қатарында бірқатар басқарманы біріктіру және қайта атау, сондай-ақ, жол-көлік саласын қайта ұйымдастыру бар. Енді Қалалық мобильділік басқармасы қозғалысты ұйымдастыру және инфрақұрылымды дамыту басқармалары болып екі дербес органға бөлінеді. Сонымен қатар, жалпы су пайдаланудың жаңа ережелері бекітілді. Олар тұрғындардың су айдындарына – демалу және балық аулау үшін қолжетімділігін қамтамасыз етіп, қоршаған ортаны қорғау мен санитарлық талаптардың сақталуын көздейді,-делінген баспасөз қызметінің хабарында.