Әкім Дархан Сатыбалды шаһардың су жүйесін жаңғырту мен дамытуға бағытталған негізгі инфрақұрылымдық нысандарды аралап, жұмыс сапарымен барды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Сапар барысында әкім мына нысандарда болды: Басты су тазарту құрылыстары 1948 жылы салынған, 2015 жылы жаңартылған. Қаланың шамамен 20% тұрғынын, атап айтқанда, Бостандық, Алмалы, Медеу және Әуезов аудандарын ауыз сумен қамтамасыз етіп отыр. Қазір Таужолы шағынауданындағы су жинау станциясы салынып жатыр. Құрылыс 2025 жылы қарашада аяқталады. Бұл нысан 100 мыңнан астам тұрғынды таза ауыз сумен қамтиды. Нұрлытау шағынауданындағы су дайындау кешені мен сорғы станциясының 2026 жылы жазда іске қосылмақ. 45 мыңнан аса адамды сумен қамту көзделген. Нұр Алатау шағынауданындағы резервтік гидротехникалық құрылыс су жүйесінің шығын кезіндегі тұрақтылығын арттыруға бағытталған.«Сумен қамтамасыз ету ерекше бақылауда. Қала қарқынды дамып келеді, сондықтан Алматының ауқымына сай қосымша қуат көздері қажет», – деді Дархан Сатыбалды.