Алматы әкімі Дархан Сатыбалды Мемлекет басшысы Қасым-Жомарт Тоқаевтың тапсырмасымен шаһардың мәдениет қайраткерлері мен еңбек ұжымдарының үздік өкілдеріне мемлекеттік наградалар табыс етті. Марапаттау рәсімі Жұмысшы мамандықтары жылы аясында өтті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
«Отан» орденімен қазақ әдебиеті мен мәдениетінің дамуына сүбелі үлес қосқан жазушы Тынымбай Нұрмағанбетов марапатталды. Әкім жазушыға ұлттық идеяға адалдығы мен рухани құндылықтарды сақтаудағы еңбегі үшін алғыс білдіріп, оның проза мен театр өнерін өркендетудегі еңбегін атады. «Ерен еңбегі үшін» медалімен «Алматы Су» МКК слесарлары апатты жағдайда жедел әрекет еткені үшін Дүнесбай Аханаев пен қаладағы су құбырлары желісінің үздіксіз жұмыс істеуін қамтамасыз етуге қосқан үлесі Дмитрий Литвинов марапатталды. Марапаттар адал қызмет пен көп жылғы мінсіз еңбегі үшін табысталды.
