Алматы әкімі Дархан Сатыбалды Түрксіб ауданын аралап, экологиялық ахуалды жақсарту және қала инфрақұрылымын дамытуға бағытталған негізгі бастамалармен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алтынкөл көлі — №18 және №19 тоғандарды механикалық тазарту жоспарланған. Аумағы 26 мың м². Су айдынының экологиясы мен демалыс әлеуетін қалпына келтіру көзделген.Кіші Алматы өзені — Рысқұлов даңғылынан Әуежай көліне дейінгі аралықты қайта жаңғырту көзделген. Жобада жағалауды абаттандыру, көпірлер салу және саябақ аймағын құру қарастырылған. Бұл жұмыс жыл соңына дейін аяқталады.Әуежай көлі — механикалық тазартылым, су деңгейін реттейтін шандор құрылғылары қалпына келтіріледі.Нұршашқан шағынауданы — бұл аумақты демалыс орнына айналдырып, көгалдандыру және инфрақұрылыммен жабдықтау жоспарланған.