Алматы әкімі Дархан Сатыбалды Қазақстан халқы Ассамблеясының қалалық филиалының сессиясын өткізіп, Мемлекет басшысының тапсырмаларын жүзеге асыруға қатысты негізгі міндеттерді айқындап берді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала басшысы жаңа көпфункционалды Достық үйін салуға лайықты орын анықтап, оның сәулеттік тұжырымдамасын әзірлеуді тапсырды. Этностарға деген құрмет пен тілдік алуандық мәселесін бұқаралық ақпарат құралдарында кеңінен насихаттау қажеттігі атап өтілді. Сонымен қатар, этномәдени медианы мемлекеттік тапсырыс арқылы қолдау қарастырылуда.«Әрбір алматылық өзін біртұтас қазақстандық ұлттың толыққанды мүшесі ретінде сезініп, туған елімен мақтана білуі, сондай-ақ елдің өркендеу жолында белсенділік танытуы аса маңызды», – деді қала әкімі.