Қазақстан Қытайға киіктер популяциясын қалпына келтіру үшін 1,5 мың киікті сыйға тартпақ. Бұл туралы Президенттің баспасөз қызметі мәлімдеді, - деп хабарлайды kazlenta.kz тілшісі Tengritravel.kz-ға сілтеме жасап.
"Қазақстан Президенті Қасым-Жомарт Тоқаев Қытай үкіметіне осы бірегей әрі ежелгі жануар популяциясын көрші елде қалпына келтіру мақсатында 1,5 мың киікті Қытайдың батыс бөлігіне көшіру үшін сыйға тарту туралы шешім қабылдағанын мәлімдеді. Өз кезегінде ҚХР төрағасы Си Цзиньпин Қасым-Жомарт Тоқаевқа бұл шешімі үшін алғыс білдірді, өйткені Қытай киік популяциясын қалпына келтіруді жоспарлап отыр", – деп хабарлады баспасөз қызметі Tengrinews.kz тілшісіне.
Қазіргі уақытта киіктің бүкіл әлемдік популяциясының 98 пайыздан астамы Қазақстанда шоғырланған. 2023 жылдың аяғында Леонардо Ди Каприо Қазақстан үкіметін жойылып бара жатқан жануар түрін сақтап қалудағы жетістігімен құттықтаған еді. 2025 жылдың көктемінде фермерлер киіктердің тым көбейіп кеткеніне шағымдана бастады.