Алматы әкімі Дархан Сатыбалды Түрксіб ауданының маңызды нысандарын аралап көрді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Ауданда Телекоммуникация және машина жасау колледжінің жаңа ғимараты салынып жатыр. Нысанның сыйымдылығы – 1050 студент. Қала басшысы мұндағы абаттандыру қарқынын жеделдетуді және түлектерді жұмысқа орналастыру бойынша шаралар қабылдауды тапсырды.«Алматы-1» вокзалының жанындағы сквер және оған іргелес орналасқан Сейфуллин даңғылы мен Кунгуский көшелері жаңартылып жатыр. Құрылыс тамыз айында аяқталады деп күтіледі.Осипенко көшесіндегі дене шынықтыру - сауықтыру кешені жобаланып жатыр. Жердің бір бөлігі жекеден сатып алынған. № 6 Оқушылар үйінде күрделі жөндеу жүреді және сейсмикалық қауіпсіздік күшейтілетін болады. 1958 жылғы бұл ғимарат бүгінде қаладағы сәулет ескерткіші саналады. Мегаполис басшысы бұл бағыттағы жұмыстарды бақылауда ұстауды тапсырды.Майборода көшесінде ұзындығы 1,1 шақырым болатын жаяу жүргіншілер жолы салынып жатыр. Ол Сейфуллин даңғылынан Байкалская көшесіне дейін жалғасады. Жоба тұрғындардың қауіпсіздігін қамтамасыз ету үшін жасалған.Баум тоғайы мен Үлкен Алматы каналы қала әкімінің тапсырмасы бойынша абаттандырылады. Күрделі жөндеуден соң каналға су қайта толмақ, - делінген хабарламада.
