Ru  Kz
Барлық жаңалықтар

Astana Half Marathon 2025: елордада 8 мың қатысушы жаңа бағытпен жүгіреді

Astana Half Marathon 2025: елордада 8 мың қатысушы жаңа бағытпен жүгіреді
Фото: Астана қ.әкімдігі

1 маусым күні Астанада төртінші Astana Half Marathon өтеді. «Бірінші болу – батылдық» корпоративтік қоры ұйымдастыратын астаналық ең ауқымды жарыс жаңартылған бағытпен 8 000 қатысушыны жинайды, деп хабарлайды kazlenta.kz тілшісі Астана қаласы әкімдігінің баспасөз қызметіне сілтеме жасап.

Іс-шараға барлық қала тұрғындары қатыса алады — жүгіруші, жанкүйер немесе сөрелік қалашық бағдарламасының көрермені ретінде.

Биыл ұйымдастырушылар жарытлай марафонның жарыс жолын жаңартты: қатысушылар Астананың көрнекті орындарының жанынан жүгіріп өтеді – Тәуелсіздік алаңынан бастап «Арқар» және «Сығанақ – Мәңгілік Ел» көпірлері арқылы, «Ақорда» мен Есіл өзенінің жағалауына, одан әрі «Бәйтерек», Abu Dhabi Plaza және EXPO кешендерінің қасынан өтеді.

Жарыс дәстүрлі түрде 4 қашықтықты ұсынады: 21,1 км (жарытлай марафон), 10 км, 10 км (скандинавиялық жүріс) және командалық Экиден эстафетасы.

Ұйымдастырушылар кәсіби спортшылар мен әр жастағы әуесқой жүгірушілерді қатысуға шақырады.

«Төрт жыл бұрын «Бірінші болу – батылдық» қоры Astana Half Marathon жарысын елордада жүгіру мәдениетін насихаттау мақсатында ұйымдастырған болатын. Бүгінде барлық әлемдік астаналарда жүгіру дәстүрге айналған. Біздің Астанада биіктік айырмашылығы аз, жазғы ауа райы қолайлы, басқа қалалармен байланыс жақсы жолға қойылған – мұның бәрі жүгіру жарыстарын дамытуға үлкен мүмкіндік береді. Өткен жылы бізге 45 елден 6 000 қатысушы қосылды. Биыл бұдан да көп спортшыны шақырып, халықты жүгіруге тарту жұмысын жалғастырамыз», — деді «Бірінші болу – батылдық» корпоративтік қорының атқарушы директоры Салтанат Қазыбаева.

Белгіленген уақыт ішінде қашықтықты сәтті аяқтаған барлық қатысушыға медаль табысталады.

Айта кету керек, бұл жарыс Халықаралық марафондар және ұзақ қашықтыққа жүгірулер қауымдастығына (AIMS) кіреді, бұл ұйымдастыру сапасының жоғары деңгейде екенін және халықаралық стандарттарға сай келетінін білдіреді. жарытлай марафон трассасы World Athletics талаптарына сай сертификатталған. Іс-шараның ұйымдастырушысы – 2012 жылдан бері Қазақстанда бұқаралық спортты дамытуға белсенді атсалысып келе жатқан «Бірінші болу – батылдық» корпоративтік қоры. Қор жыл сайын 10-нан астам спорттық іс-шара өткізеді.

Astana Half Marathon Астана қаласы әкімдігінің қолдауымен өтеді.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайбергеннің жаңа әні ең көп тыңдалған топ-100 әннің қатарына енді
Актер Шәріп Серік қызды ұрды деп айыпталғаннан кейін мәлімдеме жасады
Валерий Меладзе Астананың сұлулығына таң қалды
Баян Алагөзова сәбилі болды
Қайрат Нұртас 15 тәулікке қамауға алынады
Мультимедиа
«Ұлы дала қолөнершілер керуен көші»: ұлттық құндылық пен креатив тоғысы
Маңғыстауда Мемлекеттік рәміздер күні кең көлемде аталып өтті
Мемлекет басшысы Қасым-Жомарт Тоқаев мәдениет және өнер қызметкерлерін марапаттау рәсімінде сөз сөйледі
Президент Қасым-Жомарт Тоқаев мемлекеттік наградалар, жоғары әскери және арнаулы атақтар, сыныптық шендер тапсыру рәсіміне қатысты
Елордада бірлік пен руханиятты ұлықтаған «Әз-Наурыз» мерекесі өтті