2025 жылдың басынан бері қалада 2 000 ірі көлемді ағаш, 20 мың көшет және 10 мыңнан астам бұта отырғызылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Күзде тағы 4 мың ағаш егу жоспарланған. Биыл гүлзарларды көркейту жұмыстары 120 мың шаршы метр аумақты қамтиды, оның 64%-ы көпжылдық өсімдіктер.Соңғы екі жылда қалада 1 миллионнан астам жаңа ағаш пен бұта пайда болды. Көшеттердің жерсіну көрсеткіші 2022 жылғы 70%-дан 2024 жылы 90%-ға дейін артты.Осы уақыт аралығында 500 шақырымнан астам автоматты суару және тамшылатып суару жүйелері жүргізілді, биыл оған тағы 290 шақырым қосу жоспарланып отыр.Көгалдандыру жұмыстары қаланың климаттық және ландшафтық ерекшеліктері ескеріле отырып жүргізіледі.