Шымкентте ТЖМ қызметкерлері баланы құтқарды, - деп хабарлайды kazlenta.kz тілшісі Tengrinews.kz сайтына сілтеме жасап.
Абай ауданында Хантәңір көшесі бойында орналасқан жеке тұрғын үйлердің бірінің маңында 2016 жылы туған бала доппен ойнап жүріп, абайсызда кәріз шұңқырына түсіп, су өткізу құбырына аяғын қыстырып шығара алмай қалған.
"ТЖМ құтқарушылары баланың аяғын құбырдан шығарып, жедел медициналық жәрдем бригадасына табыстады", - деп жазылған хабарламада.
ТЖМ балаларды қараусыз қалдырмауға кеңес береді.