Шымкент қаласында жол инфрақұрылымын жақсарту және тұрғындарға қолайлы жағдай жасау мақсатында 2024 жылы ауқымды жарықтандыру жұмыстары атқарылды, деп хабарлайды kazlenta.kz тілшісі Шымкент қаласы әкімдігінің баспасөз қызметіне сілтеме жасап.
Жыл бойы қаладағы 1301 көшеге заманауи жарық шамдар орнатылып, түнгі уақыттағы көшелердің жарықтандырылуы айтарлықтай жақсарды.
Бұл жұмыстар қала қауіпсіздігін арттырумен қатар, тұрғындардың жүріп-тұруына қолайлы жағдай жасады. Әсіресе, мектептер мен балабақшалар, қоғамдық орындар мен халық көп шоғырланған аумақтардағы көшелер ерекше назарға алынды.
Қала әкімдігі алдағы уақытта да жарықтандырылмаған көшелерді қамтып, тұрғындарға барынша жайлы әрі қауіпсіз орта қалыптастыруды жалғастыратынын атап өтті.