Алматыда ҚТҚ жинаудың заманауи технологиялары енгізіліп жатыр, - деп хабарлайды kazlenta.kz тілшісі Tengrinews.kz сайтына сілтеме жасап.
Алматыда "Таза Қазақстан" жалпы республикалық тұжырымдамасы аясында 2025 жылдың аяғына қарай қатты тұрмыстық қалдықтарды жинау инфрақұрылымын толығымен модернизациялау жоспарланған.
"Ауқымды жоба 2012 жылы құрылған ҚТҚ жинау инфрақұрылымының әбден тозуына байланысты 2023 жылдан бастап іске асырылып жатыр. Басты мақсат-экологиялық жағдайды жақсарту, қала тұрғындарының жайлылығын арттыру және санитарлық тазалаудың заманауи стандарттарына сәйкестендіру", - делінген хабарламада.
Қала әкімі кешенді шаралар көрсетілетін қызметтердің сапасын едәуір арттыруға мүмкіндік беретінін атап өтті.
Мәселен, бүгінде қоқыс таситын көліктердің күнделікті желіге шығу көрсеткіші 2023 жылғы 70 пайыздан 2024 жылы 85 пайызға дейін өсті, 2025 жылы 95 пайызға дейін жеткізілетін болады.