Алматыдағы Аюсай шатқалы қоқыстан тазартылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Күзгі «Жарқын күз» акциясы аясында Аюсай шатқалында қала тұрғындары мен туристер тазалық жұмыстарын жүргізді. Іс-шараны Алматының туризм басқармасы мен Almaty Tourism Bureau ұйымдастырды. Белсенді тұрғындар мен еріктілер жол бойындағы алаңқайлар мен өзен жағасын пластикалық бөтелкелер мен басқа да қоқыстардан тазартып, шамамен 300 кг қоқыс жинады.«Бұл жай ғана тазалық шарасы емес, болашаққа жасалған қадам. Әрқайсымыз табиғатты сақтауға үлесді қоса аламыз», - деді Qazaq National Parks компаниясының өкілі Тілек Әділжанов. Жыл басынан бері Аюсай шатқалына шамамен 400 мың турист барған. Алматыда «Таза Қазақстан» республикалық бағдарламасы мен «Алматы – біздің ортақ үйіміз» қалалық акциясы аясында «Жарқын күз» науқаны жалғасуда.22-10-2024, 17:36
Алматыдағы Аюсай шатқалы қоқыстан тазартылды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз