Алматыда жастар арасындағы жұмыссыздық деңгейі 5,6%-дан 4,5%-ға дейін төмендеді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жастар саясаты басқармасы NEET (жұмыссыз және оқусыз) жастардың үлесін төмендетуге бағытталған әлеуметтендіру бағдарламасын жүзеге асыруда. Нәтижесінде NEET жастардың үлесі 8,3%-дан 6,5%-ға дейін төмендеді. Қалалық мансап орталығы ашылып, 4 мыңнан астам жас жүгінді. Олардың 3 мыңы жұмысқа тұрды. 30-дан астам қысқа мерзімді курстар 4,8 мың адамға мамандық меңгеруге, жұмыс және тағылымдамадан өтуге септігін тигізді. Jasalmaty.kz мобильді қосымшасы, Jobfair365 және SkillBridge жұмысқа тұру және оқу қызметімен, Қазақстанның түрлі өңірінен 20 мың пайдаланушы мен 3 мың жұмыс берушіні тартты. «8 күндік мансап» шарасына 450-ден астам ірі компания қатысып, 2,8 мың жас жұмыс тапты. 2024 жылдың қаңтарынан бастап 31,3 мың адам жұмыс тапса, оның 13,3 мыңы Жастар саясаты басқармасы арқылы қол жеткізген. Қаланың даму жоспарының Жол картасында көрсетілген жұмыспен қамту бойынша KPI 3 есеге артығымен орындалды. Алматы жастардың жұмыс табуына жағдай жасау үшін білек сыбана атсалысып отыр!1-10-2024, 12:51
Алматыда жастар арасындағы жұмыссыздық деңгейі 4,5%-ға дейін төмендеді
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз