Алматыда қала тұрғындары екі күн ішінде Kitap Fest Almaty алаңында сегіз мыңнан астам кітап сатып алды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Екі күндік бай бағдарлама Қала күнін мерекелеу аясында дайындалды және Арбатта өтті. Биылғы кітап фестивалі өзінің мерейлі жасын - онжылдығын атап өтеді. Осы уақыт ішінде жоба кітапқа деген сүйіспеншіліктің символына және елдегі кітап мәдениетін дамытудағы маңызды кезеңге айналды. Фестиваль қатысушылары екі күн ішінде көптеген интерактивті алаңдар: қазақстандық жазушылармен кездесулер, балаларға арналған қызықты шеберлік сыныптары, көрмелер мен зияткерлік байқаулар арқылы кітаптар әлеміне еніп үлгерді. Kitap Fest Almaty оқу мәдениеті жай хобби емес, тәрбие мен білім берудің маңызды элементі екенін тағы да көрсетті.16-09-2024, 18:11
Қала күні Kitap Fest Almaty келушілері 8 мыңнан астам кітап сатып алды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз