Алматыда Абай күні қалай атап өтіледі, деп хабарлайды kazlenta.kz тілшісі Алматы қаласы әкімдігінің баспасөз қызметәне сілтеме жасап.
10 тамызда Қазақстанда ұлы ақын, ойшыл, қазақ жазба әдебиетінің негізін қалаушы, ағартушы және қоғам қайраткері Абай Құнанбайұлының күні атап өтіледі. 7-11 тамыз аралығында бірқатар іс-шаралар өтеді: кітап көрмелері, конкурстар мен викториналар, семинарлар мен тренингтер, шахмат турнирі, сондай-ақ «Абай әлемі» концерт-спектаклі.Абай ескерткішіне гүл шоқтарын қою рәсімі 9 тамызда сағат 09:00-де Республика Сарайының алдында өтеді. Бұдан әрі «Адамзаттың Абайы» мұшайра концерті жоспарланған.Абайдың туған күні 10 тамызда сағат 16:00-де «Алатау» дәстүрлі өнер театрында «Абай әлемі» концерт-спектаклі өтеді. Сахнада «Музарт» тобы, IL Canto және т. б. өнер көрсетеді.Қала тұрғындарын Абай өмірі мен оның шығармашылығынан қызықты фактілерді білуге арналған блиц-сауалнама күтіп тұр. Зияткерлік байқаудың жеңімпаздары сыйлықтар алады.Іс-шаралар жоспары Almaty.kz жарияланды.7-08-2024, 10:22
Алматыда Абай күні қалай атап өтіледі
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз