Алматыда Қала күнін мерекелеу басталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бүгін Алматыда тұрғындар мен қала қонақтары ашық аспан астында тегін концерттер көреді. «Асыл Қазына» атты алғашқы ауқымды концерт сағат 18:00-де «Алатау» дәстүрлі өнер театрының алдындағы алаңда басталады. Сахнада Рамазан Стамғазиев, Сәуле Жанпейісова, Еркін Шүкіман және т.б. танымал әншілер өнер көрсетеді. Сағат 19:00-де «Алматы түні» атты екінші концерт басталып, аты аңызға айналған «Дос-Мұқасан» ансамблі ән шырқайды. Ал сағат 20:00-де сахнаға «МузАрт» тобы шығады. Сондай-ақ, Арбатта «Жаңа ғасыр» театрының қатысуымен «Алматы – махаббатым» концерт спектаклі өтеді. Артистер әйгілі фильмдерінің саундтректері мен театрландырылған көрініс ұсынады.11-09-2024, 16:53
Алматыда Қала күнін мерекелеу басталды
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз