Таулар мен қауіпсіздік: алматылық альпинистер құтқарушыларды оқытып жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
5 қыркүйектен 1 қазанға дейін «Тұйық-Cу» альпинистік лагерінде Республикалық жедел-құтқару жасағының құтқарушылары оқытылады. Алматы альпинизм федерациясы тәжірибелі нұсқаушыларының жетекшілігімен құтқарушыларды төтенше жағдайда жұмыс істеу дағдысына үйретіп жатыр. Жобаны Алматы қаласының Туризм басқармасы ұйымдастырған.Бағдарлама құтқару жұмыстарын жоспарлаудан бастап тауларда алғашқы медициналық көмек көрсетуге дейінгі теория мен тәжірибе қамтылады. Іле Алатауы бағыттарындағы жаттығу құтқарушыларды нақты сын-қатерлерге дайындауға көмектеседі. Жаттығуларға беткейлерге көтерілу және түсу, зардап шеккендерді эвакуациялау, арқан мен басқа да арнайы альпинистік құралдарды қолдана отырып құтқару жұмыстары кіреді.Дайындықтың мақсаты – Алматы тауларында туристердің қауіпсіздігін арттыру және ТЖ-ға жедел әрекет ету.9-09-2024, 09:17
Таулар мен қауіпсіздік: алматылық альпинистер құтқарушыларды оқытып жатыр
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз