Риддер қаласында достар компаниясы таулы-орманды жерлерге барған. Ер адамның бірі әдемі көріністі суретке түсіріп, биік ағашқа өрмелеуді шешті. Аяғы тайып кетіп, құлап ауыр жарақат алды, деп хабарлайды kazlenta.kz тілшісі ҚР ТЖМ баспасөз қызметіне сілтеме жасап.
Оқиға орнына куәгерлер жедел жәрдем дәрігерлері мен құтқарушыларды шақырды.
Зардап шеккен адамға жету үшін ШҚО ТЖД 1-МӨСБ құтқарушылары мен дәрігерлеріне жетуі қиын жерлердің 30 шақырымын еңсеруге тура келді.
Жарақат алған адам табылғаннан кейін дәрігерлер 1981 жылы туған ер адамға алғашқы көмек көрсетті, 1-МӨСБ құтқарушылары оны таудан жедел жәрдем көлігіне дейін зембілмен тасымалдады. Зардап шеккен адам медициналық мекемеге жеткізіліп, ауруханаға жатқызылды.