Алматыда өрт-құтқару спорты бойынша әлем чемпионаты-2024 аяқталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Чемпионатқа Қазақстан, Беларусь, Болгария, Ресей, Словакия және Чехия спортшылары қатысты.Жарыс спорттық пәндердің төрт түрінен өтті, ерлер арасында жалпыкомандалық есепте Ресей командасы жеңіске жетсе, одан кейін Беларусь пен Қазақстан тұр. Қыздар мен жасөспірімдер арасында ресейліктер басым түсті, екінші орынды белоруссиялықтар иеленсе, қазақстандықтар үшінші орынға табан тіреді. Қазақстандық команда «Жауынгерлік орналастыруда» алтын алды.Қазақстан ТЖМ басшысы Шыңғыс Әрінов Алматы әкімдігіне алғысын білдіріп, ұйымдастырудың жоғары деңгейі мен әділ төрешілікті атады. Сондай-ақ, елдеріміздің апаттық-құтқару қызметі арасындағы достық байланыстарды нығайтуға үміт білдірді. Іс-шара жарқын музыкалық шоумен және түрлі-түсті отшашумен аяқталды.