Футболдан Катарда өткен Әлем чемпионаты өз мәресіне жетті. Аргентина мен Франция арасындағы матчтан соң тағы бір рекорд тіркелді, деп жазады kazlenta.kz
Финалдық матч 3:3 есебімен аяқталды. Пенальти сериясында Аргентинаның жолы болды. Осылайша, Катардағы Әлем чемпионаты ең көп соғылған біріншілік ретінде тарихта қалып отыр. Төртжылдықтың ірі додасында барлығы 172 гол тіркелген. Бұған дейін 1998 жылы Францияда және 2014 жылы Бразилияда өткен Әлем чемпионатында 171 доп соғылған еді. Айта кетейік, футболдан әлем чемпионы атағы Аргентина құрамасына бұйырды. Лионель Месси бастаған команда араға 36 жыл салып, алтын кубокты көтерді. Ең соңғы рет Аргентина 1986 жылы жеңімпаз атанған еді. Жалпы алғанда, бұл команда өз тарихында үшінші рет әлем чемпионы атанып отыр.
19-12-2022, 17:35
Катарда өткен Әлем чемпионатында тағы бір рекорд орын алды
Егер мәтінде қате байқасаңыз, оны таңдап, Ctrl+Enter пернелерін басыңыз