Алматыда «Тілдер саябағы» жобасы басталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда шет тілдерін тегін үйренуге болады. Қалада Алматы әкімдігінің жобалық кеңсесі мен қала еріктілерінің фронт кеңсесінің қолдауымен «Тілдер саябағы» әлеуметтік жобасы басталды. Қазір онда қазақ, орыс, ағылшын, түрік, қытай және корей тілдерінен курстар бар. Сабақтар аптасына 3 рет өткізіледі, 6 жастан 60 жасқа дейінгі барлық адам қатыса алады. Жоба аяқталған соң қатысушыларға сертификат беріледі. Лингвистикалық жоба мегаполистің барлық 8 ауданын қамтиды және қыркүйектің соңына дейін қаланың ірі саябақтарында ашық ауада өтеді. Оқу күзгі-қысқы уақытта ауданның комьюнити орталықтары базасында оқу жалғасады. Толық ақпарат: +7 747 821 6478. Курстардың кестесі мына сілтемеде.