Астанада резонанс тудырған видеодан кейін тағы бір қылмыстық іс қозғалды. Бұл туралы елордалық полиция хабарлады, - деп хабарлайды kazlenta.kz тілшісі Tengrinews.kz сайтына сілтеме жасап.
Астана Полиция департаментіне азамат А.-дан дене жарақатын келтіруге байланысты бұрынғы әйеліне қатысты арыз түскені хабарланды.
"Аталған деректерді тексеру үшін қылмыстық іс қозғалды, оның шеңберінде зақымданудың бар-жоғын және дәрежесін анықтау үшін қажетті сараптама тағайындалды, сондай-ақ барлық мән-жайларды анықтау үшін тергеу әрекеттері жүргізілетін болады", - делінген хабарламада.