Алматыда ағаштар санитарлық мақсатта кесіледі, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
26 маусым мен 6 шілде аралығында «Алматы Жазы» акциясы барысында санитарлық мақсатта 6 мыңға жуық ағашты кесу жоспарланып отыр.Сондай-ақ қауіпті еңісте өскен ауру және қураған ағаштарды кесу көзделген. Оның орнына 10 есе көп мөлшерде көшет отырғызылады. Апатты жағдайдағы ағаштарды санитарлық мақсатта кесу – қала тұрғындарының қауіпсіздігін қамтамасыз етеді, бұл әкімдіктің ерекше бақылауында. Қураған ағаштар адамға және мүлікке зиян келтіруі мүмкін. Ауру және қураған ағаштарды санитарлық мақсатта кесу, қатты жел мен нөсер кезінде бұтақтардың құлау қаупін азайтады. «Алматы Жазы» - қалаларды көркейту мен көгалдандыруға бағытталған «Таза Қазақстан» республикалық жобасының бір бөлігі. Азаматтық жауапкершілік танытып, табиғатты аялап, экологиялық мәдениетті арттыруға шақырамыз!26-06-2024, 15:21
Алматыда ағаштар санитарлық мақсатта кесіледі
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз