Түркістан облысы Бәйдібек ауданының учаскелік полиция инспекторлары түнгі кезекшілік жұмысын аяқтап, үйіне қайтып бара жатқанда жергілікті тұрғын қоңырау шалады, деп хабарлайды kazlenta.kz тілшісі polisia.kz телеграм арнасына сілтеме жасап.
Әйел адам үйінде қалған 19 жастағы ұлымен байланыса алмай отырғанын айтып, көмек сұрайды. Сақшылар тез арада оқиға орнына жетіп, пәтер есігін қағып, қоңырау соғады. Үйдің ішінен ұялы телефонның шырылы естілгенімен ешкім жауап бермеген. Сақшылар іште адам барын түсініп есікті күшпен ашады. Үйге кіріп ес-түссіз жатқан жігітті жедел түрде қызметтік көлікпен орталық ауруханаға жеткізді. Белгілі болғандай, желдің салдарынан газ жүйесіне ақау келіп көгілдір отын үйге тараған.Қазіргі таңда зардап шеккен жігіттің жағдайы тұрақты және дәрігерлер бақылауында.5-03-2024, 17:09
Учаскелік полиция инспекторлары жас жігіттің өмірін сақтап қалды
Фото: polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз