Ақтөбеде өзгенің көлігін айдап кеткен мас жүргізуші қолға түсті, деп хабарлайды kazlenta.kz тілшісі Polisia.kz сайтына сілтеме жасап.
Ақтөбе қаласының полициясына жергілікті тұрғын отбасылық жанжалдан кейін бірге тұратын адамның Honda автокөлігін ұрлап кеткені туралы арызданды. 18 қаңтарда сағат шамамен 14:00-де Махамбетов көшесінде ұрланған автокөлікті байқаған Ақтөбе қаласы ПБ патрульдік полиция батальонының қызметкерлері шұғыл түрде ұстау шараларын жүргізді.
Тексеру барысында жүргізушінің аталған көлік құралын масаң күйде басқарғаны, сондай-ақ бұрын көлік құралын басқару құқығынан айырылғаны анықталды.
Қазіргі уақытта ҚР ҚК-нің 346-бабының 1-бөлігімен, сондай-ақ ҚР ҚК-нің 200-бабы бойынша тергеу әрекеттері жүргізіліп жатыр.
Автокөлік арнайы автотұраққа қойылды. Күдікті Ақтөбе қаласының уақытша ұстау изоляторына қамалды.