2023 жылғы 11 желтоқсанда Қазақстан Республикасының Ішкі істер министрі Ержан Сәденов Парламенті Мәжілісінің кулуарында Алматыда полиция капитандарының жасөспірім қызды зорлау фактісін растады, деп хабарлайды kazlenta.kz тілшісі Zakon.kz сайтына сілтеме жасап.
Ержан Сәденов Алматыда екі полиция капитаны 14 жастағы қызға азғындық жасағанын растады.
"Өкінішке қарай, мұндай факт болды. Бұрынғы қызметкерлер осындай қылмыс жасады. Дереу тәртіптік комиссия құрылды, бұл адамдар теріс себептермен жұмыстан босатылды. Қылмыстық іс аясында олар қамауға алынды. Қазіргі уақытта тергеу амалдары жүргізілуде", - деді Ішкі істер министрлігінің басшысы.
Оның айтуынша, қылмыс жасаған кезде олар құзырлы органдар қатарында болған.