Үшінші мегаполистің мәдени дамуына кітапханалардың қосар үлесі ерекше. Әл-Фараби атындағы ғылыми-әмбебап кітапханада жарты миллионға жуық кітап қоры бар. Қазақтың өткенін бүгінге жеткізіп, руханияттың қалыптасуына сүбелі үлес қосып отырған ошақтың қала тіршілігінде алар орны ерекше.
Шымкенттегі Әл-Фараби атындағы ғылыми-әмбебап кітапханасы талай тарихты жадында сақтап, жас ұрпаққа дәріптеп отырған бірден-бір мекеме. Өмірлің қилы соқпағынан сүрініп, өзіндік орнын таппай жүргендер үшін жайлы мекен,-дейді кітапханашылар.Олар мұнда рухани құндылықтарға толы дүниелермен танысып, болашағына бағдар бере алатын мүмкіндіктерге қол жеткізе алады.
Қазіргі таңдка кітапханада 6 бөлім жұмыс істеп тұр. Планетариде оқулықтарды бейне нұсқада көріп, оқуға мүмкіндік бар. Мұнда сирек кездесетін кітаптар бөлімі, Шымкентті тереңінен танытатын арнайы бөлімдер де қарастырылған. Қала берді, жергілікті ақын-жазушылардың шығармалары арнайы сөреде орналастырылған.
Жылдар бойы осы салада еңбек етіп келе жатқан кітапханашы Ақмарал Есболаваның айтуынша, соңғы уақытта мотивациялық, психологиялық кітаптарға сұраныс арқан,-деп отыр. Алайда жастарға қазақ әдебиетінің классиктері жазған әдеби шығармалардан асқан шабыттандырушы құрал жоқ. Сондықтан мамандар келушілерді проза, роман повестерді оқуға кеңес береді.
Шымқаладағы ең үлкен кітапханада -оқу залы, шетел әдебиеті залы, абонемент және сирек кітаптар бөлімі оқырмандарға қызмет көрсетеді. Жаңартылған мәдениет орнында 7 бөлім және 10 сектор жұмыс істейді. Жалпы кітап қоры – 419 554, электронды қор – 6 720.