Жалпы бағдарлама басталғалы бері төрт банкке барлығы 90 млрд теңге бөлінген. Оның ішінде:
"Еуразиялық банкке" – 25 млрд теңге;
"Банк Центр Кредитке" – 27,5 млрд теңге;
"Қазақстан Халық банкіне" – 22,5 млрд теңге;
"Forte Bank-ке" – 15 млрд теңге.
Бүгінгі таңда банктер жалпы сомасы 82 млрд теңгеге 10 888 өтінім мақұлдаған, 4 847 автокөлік берілген.
"Айта кетерлігі, жалпы сомасы 90 млрд теңгенің игерілмеген лимиті 8 млрд теңгені құрайды. Бұл сома шегінде автонесие алуға өтінішті тек "Еуразиялық банк" пен "Халық банк" қана қабылдап жатыр. Бағдарламаға қатысатын қалған банктер бөлінген лимиттерді толығымен игерді", - деп мәлімдеді қордан.