Алаяқ жалға берілетін тұрғын үйді сатып алуға “көмектесемін” деген желеумен алматылық тұрғындарды 16 млн теңгеден астам сомаға алдап кеткен, – деп хабарлайды Polisia.kz.
Тағы бір әйел алаяқтық жасағаны үшін сотталды.
– Бір нұсқа бойынша, 42 жастағы Ж. есімді әйел арзандатылған бағамен жалға берілетін тұрғын үй сатып алу бойынша өз қызметтерін ұсынған. Қазіргі кезеңде қылмыстық іс бойынша барлығы 7 жәбірленуші бар. Алдын ала төлем сомасы “қызметіне” байланысты өзгеріп отырған. Келтірілген шығынның жалпы сомасы 16 млн теңгеден асады, – деді Алатау аудандық полиция басқармасының бастығы Талғат Беркінбаев.
Қазір тергеушілер материалдың толықтығын қамтамасыз етіп, шындықты анықтауға бағытталған бетпе-бет кездестіру және басқа да процессуалдық әрекеттерді жүргізіп жатыр.
Сотқа дейінгі тергеу кезеңінде ұсталған азаматшаға қатысты қамауға алу түріндегі бұлтартпау шарасы таңдалды.
Полиция қызметкерлері, күдіктінің заңсыз әрекетінен зардап шеккен азаматтарды мына телефон нөмірлері арқылы хабарласуды сұрайды: 227-55-02; 8-702-448-63-37.
Қылмыстық істің басқа да мәліметтері ҚР ҚПК-нің-201 бабы және ҚР Конституциясының нормаларына сәйкес жария етуге жатпайды.