Астаналықтар түнде ауада пайда болған қатты күйік иісіне шағымданды, - деп хабарлайды kazlenta.kz тілшісі Tengrinews.kz сайтына сілтеме жасап.
Сол жағалау тұрғындарына түтіннің иісі ерекше сезілген, олар мүңкіген иістің салдарынан тыныс алу қиындап, терезелерді ашу мүмкін болмағанын хабарлады. Қала тұрғындары қалада өрт шықты деп болжаған.
Алайда елорда әкімдігі иістің Ақмола облысынан шыққанын хабарлады.
"Ақмола облысы, Қаражар ауылында қураған ағаштар өртеніп жатыр. Оны сөндіріп жатыр", - деп түсіндірді әкімдіктің баспасөз қызметі өкілдері.
Қаражар — Ақмола облысы Целиноград ауданындағы ауыл.