Ru  Kz
Барлық жаңалықтар

Әлихан Смайылов Атырау мұнай өңдеу зауытының жағдайымен танысты

Әлихан Смайылов Атырау мұнай өңдеу зауытының жағдайымен танысты
Фото: primeminister.kz

ҚР Премьер-Министрі Әлихан Смайылов Атырау мұнай өңдеу зауытының (АМӨЗ) қазіргі ахуалы және апатты жағдайдан кейін оның жұмысын қалпына келтіру барысымен танысу үшін жұмыс сапарымен Атырауға барды, деп хабарлайды kazlenta.kz.

Үкіметтік топ хош иісті көмірсутектерді өндіру және мұнайды терең өңдеу кешенін аралап көрді. Осы жерде зауыттың бас директоры Мұрат Досмұратов МАЭК-тегі апаттан кейін тоқтап қалған Атырау мұнай өңдеу зауытында өндірісті толық қуатына шығару бойынша қабылданып жатқан шаралар туралы баяндама жасады. Сондай-ақ ол қазіргі таңда жеке газ турбиналы электр стансасын салу жобасы әзірленіп жатқанын айтты.

Премьер-Министр Атырау мұнай өңдеу зауыты ел экономикасының тұрақты дамуын қамтамасыз ететін маңызды кәсіпорындардың бірі екенін баса айтты.

«3 шілдеде бүкіл зауыт апатты жағдайда тоқтап қалды. Осыған ұқсас жағдайлар екі жыл бұрын да орын алған. Сол кезде зауытқа өзінің автономды энергия көзі қажет екені түсінікті болды, содан тиісті сабақ алуға болатын еді. Әрине, бұл тек Атырау мұнай өңдеу зауытының міндеті емес, «ҚазМұнайГаз» компаниясы да қажетті жұмыстарды атқаруы керек еді», — деді Әлихан Смайылов.

Үкімет басшысы атап өткендей, мұндай стратегиялық нысандарда тіршілікті қамтамасыз етудің автономды энергия көздері міндетті түрде болуы керек. Ал Атырау мұнай өңдеу зауытына келсек, Әлихан Смайылов жеке газ турбиналы электр стансасын іске қосу жобасын жүзеге асыруды жеделдетуді талап етті.

«Зауыт - стратегиялық маңызы бар нысан, ол сырттан жеткізілетін электр энергиясына тәуелді болмауы тиіс.  Яғни, апатты жағдайда тоқтаған мезетте кәсіпорынның тұрақты жұмысын қамтамасыз ететін жеке қосалқы станса іске қосылуы керек. Бұл жобаны 2028 жылға дейін созбай, алдағы 2-3 жылда жүзеге асыру керек. Біз бұл үдерісті жеделдетуіміз керек», — деді Премьер-Министр ҚМГ мен АМӨЗ басшыларына қарата сөйлеген сөзінде.

Сондай-ақ Мұрат Досмұратов Әлихан Смайыловқа төтенше жағдайға қарамастан зауыттан мұнай өнімдерін жөнелту тоқтамағанын хабарлады.

«Зауыт тәулігіне 5 мың тоннаға жуық бензин мен 6 мың тонна дизель отынын жөнелтеді. Қазір жинақталған қорлардан өнім жөнелту жүріп жатыр. Жалпы, бүгінде 22 мың тонна бензин, 26 мың тонна дизель отыны, 5 мың тонна авиакеросин бар. Яғни, зауыт толық қуаттылыққа шыққанша жөнелту жоспарын толық орындау үшін бізде мұнай өнімдерінің қоры жеткілікті», — деді Атырау мұнай өңдеу зауытының бас директоры.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайберген Сербияда беделді «Ағайынды Карич қоры» сыйлығын алды
Костенко шахтасындағы апат: Әнші Димаш жас баласы бар 20 отбасыға 20 миллион теңге аударды
"Құрмет" орденіне байланысты шудан кейін Әли Оқапов барлық марапатынан бас тартты
Раим мен Ерке Есмахан жуырда сәбилі болатынын хабарлады
Алматыдағы фитнес-клубта блогер Әсел Асқар соққыға жығылды
Мультимедиа
Қазақстан Президенті бірқатар келісімге қол қою рәсіміне қатысты
Қазақстанның энергожүйесін жаңғырту: Батыс аймағы желісінің қуаттылығы екі есеге артты
Қазақстан мен Того президенттері шағын құрамда келіссөз жүргізді
Шымкентте әлеуметтік маңызы бар азық-түлік бағасы бақылауда
Теңге дизайны өзгерді