Қазақстан Республикасы Мәдениет және спорт министрлігі Бас мемлекеттік санитарлық дәрігердің 2020 жылғы 2 қазандағы № 54 қаулысына сәйкес Қазақстанның туроператорларына Қазақстанға шетелден келетін адамдарға қойылатын талаптардың өзгергені туралы хабарлайды.
Осылайша, шетелден Қазақстанға авиарейстермен келетін адамдарға қатысты шектеу шаралары былайша өзгертілді:
- Шетелден Қазақстанға авиарейстермен келген барлық адамдар (ҚР үкіметтік делегацияларын; ҚР СІМ шақыруы бойынша келетін шет мемлекеттер мен халықаралық ұйымдардың ресми делегацияларының мүшелерін; ҚР-да аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлерін және олардың отбасы мүшелерін; ҚР аумағы арқылы транзитпен өтетін жүктердің халықаралық автомобиль тасымалдарын жүзеге асыратын тұлғаларды қоспағанда) термометриядан, сауалнамадан өтеді және ҚР Мемлекеттік шекарасын кесіп өткен сәтте 3 тәуліктен ерте емес іріктелген ПТР әдісімен COVID-19-ға тестілеуден өткені туралы анықтаманы (бұдан әрі – Анықтама) ұсынады.
ҚР азаматтары емес адамдарға Анықтама болмаған жағдайда Қазақстанға кіруге рұқсат берілмейді.
- Дене қызуы норманың шегінде келген, Анықтаманы ұсынған адамдарға COVID-19 ықтимал белгілері туралы түсіндіру жүргізіледі, тиісті қолхат беріледі, олар белгіленген жеріне қарай бағытын жалғастырады.
- Дене қызуы жоғары келген адамдар Анықтаманың болуына қарамастан COVID-19-ға зертханалық тексеру жүргізу үшін карантиндік стационарда 2 тәулікке дейін оқшаулауға жатады. COVID-19-ға зертханалық тексеру нәтижелерін алғаннан кейін оң нәтижесі бар адамдар инфекциялық стационарға ауыстырылады, COVID-19-ға теріс нәтижесі бар адамдар тиісті қолхат алады, COVID-19 ықтимал белгілері туралы түсіндіру жүргізіледі.
- Анықтама болмаған жағдайда елге келген ҚР азаматтары ПТР әдісімен COVID-19-ға зертханалық тексеру үшін карантиндік стационарға 2 тәулікке оқшаулануға жатады.
COVID-19-ға зертханалық тексеру нәтижелерін алғаннан кейін COVID-19-ға теріс нәтижесі бар келген адамдарға тиісті қолхат беріледі, COVID-19 ықтимал белгілері туралы түсіндіру жүргізіледі.
COVID-19-ға оң нәтижемен келген адамдар инфекциялық стационардың карантиндік изоляторына жатқызылады.
Қазақстанның туристік компаниялары өз қызметі барысында басшылыққа алуы және күтпеген жағдайларды болдырмау үшін сырттан келетін туристерге қойылатын жоғарыда көрсетілген талаптарды ескеруі қажет.