ҚР Ішкі істер министрлігінің өкілі Шұғыла Тұрлыбек шетелдік автомобильдерді заңдастырудың статисткасын мәлім етті, деп хабарлайды kazlenta.kz ҚазАқпаратқа сілтеп.
"Елімізде шетел көліктерін заңдастыру науқаны жалғасып жатыр. Қазіргі кезде 61 мың адамның өтінімі мақұлданды. 25 мың көлік иесі тиісті құжаттар мен нөмірлерін алды. Заңдастыру шарасы 1 шілдеге дейін жалғасады", - деді Ш. Тұрлыбек министрліктің апталық брифингінде.
Айта кетейік, бір апта бұрын 36 мың адамның автомобильін заңдастыруға қатысты өтінімі мақұлданған болатын.