Ведомство ұсынған мәлімттерге сәйкес, қазіргі таңда шамамен 13 мың өтінім алдын ала мақұлданған.
"879 адам өз көліктерін сәтті заңдастырды. Оларға қазақстандық техпаспорттар мен мемлекеттік нөмірлік белгілер берілді", - деп жазылған хабарламада.
Айта кетейік, 23 қаңтар, шетелдік көліктерді заңдастыру процесі басталған күні шамамен 2 мыңнан астам өтінім мақұлданған болатын. Осылайша олардың ішінде 100 адам тиісті құжаттарына қол жеткізген еді. Бұдан бөлек ел азаматтарына арнайы ХҚО-ның жұмыс істеу кестесінің өзгергені туралы хабарланған болатын. Сондай-ақ бұған дейін ІІМ шетелдік көліктерді заңдастыру үшін қандай құжаттар қажет екендігін хабарлаған едік. Еске салсақ, шетелдік көліктерді заңдастыру 2023 жылдың 1 шілдесіне дейін жалғасатын болады.