Алматыда қаржы пирамидасына қатысты сот процесі өтіп жатыр. Бүгін прокурор Ерлан Құланбаев айыптау қорытындысын оқып, вайнерлер Төребаев пен Шерниязовтың қаржы пирамидасындағы рөлі туралы айтты, деп жазады kazlenta.kz
Прокурордың айтуынша, сотталушы Құрманғалиев қылмыстық жоспар құрып, оған туысы Мансұровты тартқан. Осылайша Astex ЖШС құрылған. Салымшыларға айына 20 пайыз, яғни жылына 240 пайыз пайда уәде етілген. Алайда, прокурордың атап өтуінше, қаржы пирамидасын құрушылар салымшыларға уәде етілген пайызды төлей алмайтынын білген. "Құрманғалиев пайда табу үшін салымшылардың санын ұдайы көбейту керегін түсінген. Қаржы пирамидасының халық арасында сұранысқа ие болатынын білген ол өз таныстарын қаржылай пайдаға қызықтыру арқылы жоспарына қосқан. Пайданың бір бөлігін бұрынғы салымшыларға беріп, азаматтарды адастырған", - дейді прокурор. Сонымен қатар салымшыларға жаңа тұлғаларды тарту үшін бонустар берілген. Оларға ақшаны тендерлік жобаларға саламыз деп уәде беріп, ойлап тапқан тендерлердің болашақ болжамдары да ұсынылған. Мәселен, прокурордың айтуынша, 2 млрд теңгеден астам сомаға келісімшарт жасалған. Кейінірек басқа ЖШС құруға әрекет етілген, басқа да тұлғалар - Бурканов, Ча, Касенов, Саидбаев, Шерниязов және т.б. тартылған.
9-01-2023, 11:14
Прокурор Төребаев пен Шерниязовқа қатысты айыптау актісін оқыды
Егер мәтінде қате байқасаңыз, оны таңдап, Ctrl+Enter пернелерін басыңыз