Әлемдегі ең үлкен белсенді жанартаулардың бірі - Мауна Лоа атқылай бастады. Бұл туралы АҚШ Геологиялық қызметінің (USGS) ресми сайты хабарлады, деп хабарлайды KAZ.NUR.KZ-ке сілтеме жасаған kazlenta.kz
27 қараша күні шамамен сағат 23:30-да (Астана уақыты бойынша 28 қараша 15:30) Гавайи жанартаулары ұлттық паркінің аумағындағы Мауна Лоа жанартау шыңындағы кальдера (кальдера – дөңгелек пішінді жанартау тегі кең ойпаты) Мокуавеовеода атқылай бастаған. АҚШ геологиялық қызметінің мәліметі бойынша, лава ағындары қазір шыңның айналасында шоғырланған және баурайдан төмен орналасқан елді мекендерге қауіп төндірмейді. Алайда желдің әсерінен жанартау газы мен ұсақ күл ұшқындары тұрғындарға жетуі мүмкін. Мауна-Лоа атқылауының бастапқы кезеңдері өте белсенді болуы мүмкін, ал лава ағындарының орналасуы мен қозғалысы тез өзгеруі ғажап емес.
Planet of Hotels сайтының хабарлауынша, Мауна Лоа – планетадағы ең үлкен белсенді жанартаулардың бірі. Ол Гавайи аралында немесе Үлкен аралда орналасқан. Бұл Гавайи штатын (АҚШ) құрайтын сегіз Гавай аралдарының бірі. Мауна Лоа сол аралдың басқа жанартауларымен іргелес: солтүстігінде Мауна Кеа, оңтүстігінде Килауза. Мауна Лоа қалқан жанартауларына жатады. Бұл дөңес қалқан түріндегі жұмсақ пішінді геологиялық түзіліс. Мауна Лоаның биіктігі теңіз деңгейінен 4169 метр биіктікте орналасқан. Таудың табаны су астында 5791 метр тереңдікте жатыр. Нәтижесінде Мауна Лоа жанартауының жалпы биіктігі 9960 метрді құрайды.
29-11-2022, 17:28
Гавай аралдарында әлемдегі ең үлкен жанартаудың бірі атқылай бастады
Егер мәтінде қате байқасаңыз, оны таңдап, Ctrl+Enter пернелерін басыңыз