"Қазгидромет" РМК ресми сайтында алдағы үш күнге, яғни 22-24 қарашаға арналған ауа райы болжамын ұсынды, деп хабарлайды kazlenta.kz
Синоптиктердің болжамынша, алдағы күндері барикалық түзілімдердің жылдам өзгеруі мен атмосфералық процестердің әсерінен Қазақстанның басым бөлігінде жауын-шашынды болады. Ал солтүстік, орталық және шығыс облыстарда қар, 22-24 қараша күндері республиканың оңтүстік-шығысында жаңбыр мен қар түріндегі қатты жауын-шашын, 23 қараша күні шығыста қалың қар күтіледі.
Сонымен қатар алдағы күндері республика бойынша желдің күшейюі, көктайғақ, тұман, солтүстік, шығыс және орталық өңірлерде бұрқасын күтіледі. Сондай-ақ синоптиктер солтүстікте, шығыста және орталықта түнде ауа температурасы -17...-28 градусқа дейін төмендеуі мүмкін екенін ескертіп отыр.
22-11-2022, 14:03
Алдағы күндері елімізде 28 градусқа дейін аяз күтілуде
Егер мәтінде қате байқасаңыз, оны таңдап, Ctrl+Enter пернелерін басыңыз