«Қыс-2021» республикалық командалық-штабтық оқу-жаттығуы жыл сайын Қазақстанның әр өңірінде өткізіледі. Биыл үйлестіру және басқару штабы Өскемен қаласында орналасты, деп хабарлайды kazlenta.kz.
Аталмыш іс-шараның мақсаты – азаматтық қорғаудың мемлекеттік жүйесінің қысқы кезеңде туындаған төтенше жағдайларды жоюға әзірлік деңгейін және қабілетін арттыру болып табылады.
Оқу-жаттығуларды Қазақстан Республикасы Төтенше жағдайлар вице-министрі Марат Күлдіков басқарды. Ол құтқарушылар мен жергілікті, орталық атқарушы органдардың қатал қыс кезінде туындайтын төтенше жағдайларға ден қоюға дайындығын тексерді.
Оқу-жаттығудың мазмұны бойынша қысқы қар құрсауында қалған тұрғындар жедел эвакуацияланды. Зардап шегушіні автокөліктен шығарылды және ірі жол-көлік оқиғасы кезінде көлік құралындағы өртті сөндірді. Мұз астына түсіп кеткен автомобильді шығару бойынша авариялық-құтқару жұмыстарын ұйымдастырылды және магистраль құбырдағы авария жойылды. Кинологиялық есептер қар көшкінінен зардап шеккендерді іздеп, тапты. Суда апатқа ұшыраған балықшыларға құтқару операциясын жүргізу үшін "МИ-171" тікұшағы жұмылдырылды.
Сонымен қатар оқу-жаттығу барысында ҚР ТЖМ Республикалық жедел штабы мен мобильді байланыс торабы, зардап шеккендерге шұғыл медициналық көмек көрсетуге арналған шатырлы лагерь құрылды. Барлығы жеке құрамнан 8000-нан астам адам және 2500-ден астам техника жұмылдырылды.
Оқу-жаттығудың қорытындысы бойынша толық талдау жүргізіліп, құтқару бөлімшелерінің төтенше жағдайлардың салдарын жою бойынша іс-қимылдарға дайындығына баға беріліп, төтенше қызметтердің жұмысын одан әрі жетілдірудің басым бағыттары айқындалды.