Алматы мәслихатының кезектен тыс сессиясында депутаттар 2015 жылы әзірленген жерді бағалық аймақтарға бөлу схемасын өзгерту мәселесін қарады, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Соңғы 11 жылда қала аумағы айтарлықтай өзгерді: көлік және инженерлік инфрақұрылым дамып, жаңа әлеуметтік нысандар пайда болды, тұрғын үй, коммуналдық, қоғамдық-іскерлік және коммерциялық аумақтар қалыптасты.
Бас жоспарды және қаланың полиорталық даму моделін ескере отырып, бағалау аймақтарының санын 7-ден 5-ке дейін қысқарту және олардың шекарасын нақтылау ұсынылып отыр.
Жаңа Салық кодексіне байланысты аймақтар шекарасының өзгеруі аумақтар арасындағы салық жүктемесінің қайта бөлінуіне алып келеді. Жер учаскесінің жаңа аймаққа жатқызылуына қарай салық сомасы артуы, төмендеуі немесе өзгеріссіз қалуы мүмкін.
Бұл өзгерістердің тұрғын үй орналасқан жеке тұрғын үй құрылысына арналған жер учаскелеріне қатысты жоқ. Жоба негізінен коммерциялық мақсаттағы жер учаскелерін қамтиды.
Схеманы жаңарту жерді аймақтарға бөлу жүйесін Алматының қазіргі даму деңгейіне және қаланың өзгерген қала құрылысы құрылымына сәйкестендіруге мүмкіндік береді.