"Таза Қазақстан" республикалық экологиялық бағдарламасы аясында Қарағанды облысында полиция қызметкерлері табиғат қорғау заңнамасын бұзушыларға қатысты жүйелі жұмыстар жүргізіп жатыр, – деп хабарлайды kazlenta.kz тілшісі Polisia.kz сайтына сілтеме жасап.
Бір тәуліктің ішінде тұрмыстық және құрылыс қалдықтарын рұқсат етілмеген орындарға төккен үш жүк автокөлігі анықталды. Бұл жағдай экологиялық талаптарды сақтауды күшейтудің және қоршаған ортаны қорғау саласындағы бақылауды арттырудың маңызын тағы бір мәрте көрсетті. Заң талаптарын бұзған үш жүк көлігі бірден мамандандырылған айыппұл тұрағына қойылды.
Көлік жүргізушілері заң аясында жауапқа тартылды. Сонымен қатар заңсыз қоқыс үйіндісін толық тазарту міндеті жүктелді. Айта кету керек, Қарағанды облысының экология департаменті қоршаған ортаға келтірілген залалдың нақты көлемін анықтағанға дейін аталған көлік иелеріне қайтарылмайды. Табиғатқа келтірілген шығын көлеміне сәйкес есептелген өтемақы толық өтелгеннен кейін ғана жүк көліктері заңды иелеріне беріледі. Бұл шара – құқық бұзушыларды жауапкершілікке тартумен қатар, табиғат қорғау заңнамасын бұзуға ниетті өзге азаматтар үшін де тиімді алдын алу тетігі.