Астанада Дене шынықтыру және спорт басқармасына қарасты спорт мекемелерінде экоакция өтті, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Тазалық және абаттандыру шаралары қала аумағындағы «Аспан» спорт кешенінде, Fitnation Astana фитнес клубында, «Толқын» спорт кешенінде, үрлемелі футбол алаңында, сондай-ақ Нұра, Сарыарқа, Алматы және Байқоңыр аудандарында орналасқан дене шынықтыру-сауықтыру кешендері мен хоккей мектебінің аумақтарында жүргізілді.
Экоакцияға спорт саласының жаттықтырушылары, аға жаттықтырушылар және мекеме қызметкерлері белсенді қатысты. Қатысушылар өздеріне бекітілген аумақтарды тазалап, гүлдер мен ағаш көшеттерін отырғызды, топырақ қопсытып, суару жұмыстарын жүргізді. Сонымен қатар ағаштарды әктеу, сырлау және көгалдандыруға дайындық жұмыстары атқарылды.
Ұйымдастырушылардың айтуынша, мұндай шаралар спорт нысандарының аумағын көркейтіп қана қоймай, экологиялық мәдениетті қалыптастыруға және тазалықты сақтауға үлкен үлес қосады.