Ресей Федерациясының Мәскеу қаласында химия пәнінен 60-шы Халықаралық Менделеев олимпиадасы (IMChO-2026) өтті. Аталған беделді зияткерлік додаға Қазақстан құрамасы қатысып, үздіктердің қатарынан көрінді, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Халықаралық беделді дода қорытындысы бойынша елордалық оқушылар жоғары нәтиже көрсетті:
• Меңдіғали Қалдыбай (Spectrum International School) – күміс медаль;
• Әбдіжан Ибраимов (NURORDA мектеп-лицейі) – қола медаль.
Менделеев олимпиадасы – әлемдегі химия пәні бойынша ең күрделі әрі беделді олимпиадалардың бірі, түрлі елдердің ең мықты оқушыларының басын қосатын зияткерлік алаң.