Астана қаласында полиция қызметкерлері түнгі уақытта тыныштықты сақтау бойынша рейдтік іс-шаралар жүргізіп жатыр, – деп хабарлайды kazlenta.kz тілшісі Polisia.kz сайтына сілтеме жасап.
Құқық бұзушылар қатарына пәтерлерінде музыка дыбысын қатты шығарғандар, көлік ішінен дыбыс күшейткіштер арқылы әуен қосқандар, түнгі уақытта құрылыс немесе жөндеу жұмыстарын жүргізгендер тіркелуде. Мәселен, Мәншүк Мамбетова көшесінің біріндегі көпқабатты үйдің тұрғыны бірнеше рет ескерту алғанына қарамастан, түнгі сағат 00:00-ден кейін үйінде музыканың даусын қатты шығарып, көршілердің тыныштығын бұзған.
Оқиға орнына келген полиция қызметкерлері тарапынан тиісті хаттама толтырылды. Сонымен қатар елорда аудандары бойынша учаскелік полиция инспекторларының қатысуымен жедел алдын алу іс-шаралары тұрақты түрде ұйымдастырылып келеді. Қоғамдық тәртіпті бұзушыларға қатысты құқықтық түсіндіру жұмыстары да қатар жүргізіліп жатыр.