Жыл басынан бастап түнгі уақытта тыныштықты бұзудың 20 мыңнан аса дерегі анықталды, – деп хабарлайды kazlenta.kz тілшісі Polisia.kz сайтына сілтеме жасап.
Елордада сақшылар жылдың басынан бастап түнгі уақытта тыныштықты бұзудың 20 721 дерегін анықтады. Бұл көрсеткіш азаматтардың тыныштығын сақтау және қоғамдық тәртіпті қамтамасыз ету бойынша жүргізіліп жатқан белсенді жұмыстың нәтижесін көрсетеді. Шу көтеру, музыка құрылғыларын қатты қосу, түнгі уақытта көп адаммен көңіл көтеру секілді әрекеттер көп жағдайда кешкі және түнгі сағаттарда болған. Мәселен, кейбір адамдар аулаларда музыка тыңдайды, отбасылық, достық басқосуларын түнгі уақытта жалғастырады, алкогольдік ішімдіктерді қоғамдық орында ішіп, тыныштықты бұзады. Дәл осындай құқық бұзушылықтан тәулігіне 200-ден аса қоңырау келіп түсті. Тең жартысы балалар мен жасөспірімдердің есік алдында түнгі уақытта жүруі. Барлық тіркелген фактілер бойынша ҚР ӘҚБтК-нің 437-бабы (Тыныштықты бұзу) бойынша жауапқа тартылды.3-07-2025, 11:52
Елордада тыныштықты бұзған тұрғындар жауапқа тартылды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз