Шорт-тректен Қазақстан командасының бас бапкері Мәдіғали Қарсыбеков олимпиадалық маусымда команда қалай жасақталатынын айтты деп хабарлайды Olympic.kz.
«Қазіргі таңда Уфада жаттығу өткізіп жатырмыз. Жиын соңында, яғни, осы айдың аяғында құрама спортшыларының арасында іріктеу ұйымдастырылады. Олимпиада жолдамасы сарапқа салын атын әлем кубогінің төрт к не қатысатын 6 ер адам мен 6 қыз баланы таңдап аламыз.
Іріктеу әділ өту үшін біздің елге қатысы жоқ, Ресейдегі төрешілерді шақырып отырмыз. Өз мықтылықтарын дәлелдеген спортшыларға ел намысын қорғауды сеніп тапсырамыз.
Биылғы маусымдағы кубоктік кезең Қытайда басталады. 21-24 қазан күндері Бейжіңде әлем кубогінің бірінші кезеңі өтеді. Екінші кезең 28-31 қазан күндері Жапонияның Нагойя қаласында, үшінші кезең 18-21 қараша аралығында Венгрияның Дебрецен қаласында, соңғы кезең 25-28 қараша күндері Нидерландтың Дордрехт қаласында ұйымдастырылмақ», - дейді Қарсыбеков.